أبوذیّات للأخوّان
إلعمل بالشر بلانه من أذانه
بلال إنعرف مسلم من أذانه
إبصیته إلزلمه یکبر من أذانه
کذب من گال بعیونه إلربیّه
...
رکوب إلخیل من عثروا یمرعون
إلاجاوید إلستر بیهم یمر عون
إلگهو إلتستوی إبدلّه یمر عون
تفور او تشفی إلّی خل بخیّه
...
إلدّنیا إویای مرّه وانا مرها
مع إلبالصد جفونی وانا مرها
من هو إلگال أسلّم وانا مرها
أطبجهه إویاه إبعون اللّه او نبیّه
...
إخوی إلّی ترکنی إبضیج وخته
مثل مرکه إلجمر بالنار وخته
إلمن امّی طلگت بیه وخته
إلوکت یحضر أخیه إبکل أذیّه
...
إخوی إلتابع أعدایی ومرته
إبگطع حبل إلوصل منّی ومرته
ما أریده یدگ بابی ومرته
إمن أموت ابغربه إجانت تلفی إلیّه
...
إخوی الطامع إبحگّی وداری
او خذه شور إلیعادینی وداری
بعد شتفیده گعداتی وداری
خرک مو بک وگف چعبه علیّه
...
إخوی إلفزّع أعدایی ومرهم
او علی بیتی یدلّیهم ومرهم
عسل ماریده یسگینی ومرهم
ولا بالضیج أریده عون الیّه
...
إخوی إلما یحن گلبه ومرنی
إبضیجه او چنت أباریله ومرنی
إولید إمریته أحسبنّه ومرنی
ولا یتسمّی بیّه إبکل نویّه
...
إخوی إلباعنی إبطمعه ورایه
او کسر عصاتی بإخباله ورایه
أعلنهه او بیدی إلبیرق ورایه
أبد مکسر عصاء إلذاته ردیّه
...
إخوی إلطاع لعدایی ولبنی
إلچنت لا گلبی مؤذی له ولبنی
بعد ما أجاوره إبداره ولبنی
سبع اشطوط إشت وسکن خلیّه
...
إخوی إبن إمّی باریته وعقنی
ترکنی إبرمح صوّبنی وعقنی
شافانی کثر فیّیی و عقنی
لبس ثوب إلندامه إبطمع زیّه
...
إخوی إلعاندانی او شال شلبه
او خذه حصّت حلالی او باع شلبه
مثل کومت حطب وبنار شلبه
حرگ کل ذکریاته إبعنجهیّه
...
جاسم ثعلبی الحسّانی 28/06/1400
:: برچسب‌ها:
أبوذیّات للأخوّان ,
:: بازدید از این مطلب : 1622
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
